ઠંડાપીણા પીતા પહેલા વાંચોઃ તમે પણ આવી જશો ‘ઝપેટ’માં

!:-http://bit.ly/1h8DITg
‪#‎Banashkantha‬ ‪#‎Gujarat‬

10 Home remedies: इनसे बहुत पीले दांत भी सफेद हो जाएंगे

10 Home remedies: इनसे बहुत पीले दांत भी सफेद हो जाएंगे
http://goo.gl/w9HChH

કબજિયાતનાં કારણો અને ઉપચાર (આરોગ્ય અને ઔષધ)

આરોગ્ય અને ઔષધ- વૈદ્ય પ્રશાંતભાઈ ગૌદાની
આયુર્વેદમાં કબજિયાતનાં અનેક નામો છે. જેવાં કે વિબંધ, આનાહ, મળબદ્ધતા, કોષ્ટબદ્ધતા, મળાવરોધ વગેરે. આધુનિકો તેને 'કોન્સ્ટિપેશન' કહે છે. ઘણી વખત કબજિયાત અનેક રોગોનું એક લક્ષણ હોય છે તેમજ ઘણી વ્યક્તિઓમાં તે કોઈ રોગનું લક્ષણ નહીં, પરંતુ સ્વતંત્ર વ્યાધિ-વિકૃતિ રૂપે પણ હોય છે. જ્યારે કેટલીક વ્યક્તિઓમાં તે જન્મથી જ સ્વાભાવિક હોય છે. જેને 'હેબિચ્યુઅલ કોન્સ્ટિપેશન' પણ કહી શકાય. અતિ કૃશતા અથવા દુર્બળતા, યકૃત-લિવરના રોગો, મસા, ઉદર રોગો, મેલેરિયા, દમ-શ્વાસ વગેરે જીર્ણ વ્યાધિઓમાં કબજિયાતની સામાન્ય ફરિયાદ રહે છે. રક્તાલ્પતા-પાંડુ રોગમાં પણ કબજિયાત રહે છે. સામાન્ય રીતે એવું જોવામાં આવે છે કે, કબજિયાતથી પીડાતી વ્યક્તિઓમાં આહાર, વિહાર,કૌટુંબિક પરિસ્થિતિ-જીવનશૈલી, નિવાસસ્થાન, પાણીફેર કે પ્રદેશ ભિન્નતાની અસર પડતી હોય છે. ઘણી વાર આવી વ્યક્તિઓ આળસુ, પરિશ્રમના અભાવવાળી, જીર્ણ વ્યાધિ કે માનસિક દોષોથી પીડાતી હોય છે. સામાન્ય ઉપચાર કબજિયાતનો ઉપચાર બે પ્રકારે કરવામાં આવે છે. (૧) આહાર, વિહાર અને વ્યાયામથી તથા (૨) ઔષધથી. * પ્રાતઃ કાળ અથવા પ્રાતઃ સાયં બંને વખતે મળત્યાગનો એક નિશ્ચિત સમય હોવો જોઈએ. કબજિયાતવાળી વ્યક્તિઓને ચરબી ઓછી હોય એવાં આહાર દ્રવ્યો, સૂંઠ નાંખીને ઉકાળેલું નવશેકું દૂધ, મલાઈ કાઢી નાંખેલું પનીર, પાંદડાંવાળાં શાકભાજી, કોરી રોટલી અને ઋતુ પ્રમાણેનાં ફળોનો ઉપયોગ કરવો જોઈએ. આહારવિહાર એવો હોવો જોઈએ કે જે આંતરડાની સંકોચ વિકાસની ગતિને ઉત્તેજન આપે. * દૂધની મીઠાઈઓ, મેંદાની બનાવટ, ઘી, તેલ કે ચરબીમાં તળેલા કે શેકેલા પદાર્થો, કંદમૂળ-શાક, બદામ, અખરોટ, સીંગ વગેરે કબજિયાત કરનારા હોવાથી તેનો ત્યાગ આવશ્યક ગણાવાય છે. ખાંડ, ચા, કોફી, સ્ટાર્ચ, ચોકલેટ વગેરે કબજિયાત વધારે છે. એટલે તેનો ત્યાગ હિતાવહ ગણાવાય છે. * કબજિયાતવાળી વ્યક્તિઓનો વ્યાયામ એવો હોવો જોઈએ કે, જેથી પેટની માંસપેશીઓ પર થોડું દબાણ આવે, જે કબજિયાત તોડવા માટે હિતાવહ ગણાય છે. તરવું, દોડવું, કૂદવું,ચાલવું, સાઇકલ ચલાવવી વગેરે પણ હિતાવહ છે. ઔષધ ઉપચાર * ૨૦થી ૨૫ કાળી સૂકી દ્રાક્ષ સવારે પાણીમાં પલાળી રાખવી. બીજા દિવસે તેને સવારે નરણાં કોઠે ખૂબ ચાવીને ખાવાથી ધીમે ધીમે કબજિયાત મટે છે. * જમ્યા પછી એકાદ કલાકે ૩ થી ૫ હિમેજ ખૂબ ચાવીને ખાવાથી ધીમે ધીમે જૂની કબજિયાતની કડીઓ પણ તૂટે છે. * બે કપ જેટલા પાણીમાં એક ચમચી ત્રિફળા ચૂર્ણ નાંખી ઉકાળવું. ઉકળતા ઉકળતા એક કપ પાણી બાકી રહે ત્યારે તે ઉતારી, ઠંડું પાડી રાત્રે સૂતી વખતે પી જવાથી જૂની કબજિયાત પણ મટે છે. * એક ગ્લાસ પાણીમાં બે ચમચી ગરમાળાનો ગોળ નાંખી ઉકાળીને ઠંડું પાડી પીવાથી વર્ષો જૂની કબજિયાત પણ મટે છે. * એક ગ્લાસ સુખોષ્ણ દૂધમાં બે ચમચી એરંડિયું-દિવેલ નાંખી રાત્રે સૂતી વખતે પીવાથી પણ કબજિયાત મટે છે.